Беларусь – мая маці і мова
Мова – гэта вялікі народны скарб
Яе нельга не паважаць, як нельга не
паважаць свой народ
І.Мележ
У інтэрнаце № 1 БДМУ ужо стала добрай традыцыяй 21 лютага адзначаць Дзень роднай мовы. З вялікім задавальненнем студэнты прынялі ўдзел у інтэлектуальна-забаўляльнай гульні “Беларусь – мая маці і мова, паветра і хлеб”. Мэтай гэтага мерапрыемства з’яўляецца выхаванне гонару за свой край, яго традыцыі, вялікіх людзей і, галоўнае, родную мову.
Студэнтам прапанавалі адказаць на нескладаныя пытанні па гісторыі Беларусі, літаратуры, мове. Яны рабілі пераклады слоў з рускай мовы на беларускую, называлі аўтараў вядомых беларускіх твораў, згадвалі вершы па іх пачатку, працягвалі тэкст прыказак і прымавак, успаміналі людзей, якія ў розны час праславілі нашу краіну. Удзельнікі гульні прыйшлі да высновы, што мова – духоўны скарб народа, яе неабходна зберагчы і перадаць нашчадкам, бо “мова наша зжылася з народам”, як корань з дрэвам, “яе стварыў і ўзнёс народ”.
Студактыў інтэрната № 1 БДМУ, фота з архіва інтэрната