Віншаванне рэктара Беларускага дзяржаўнага медыцынскага ўніверсітэта

Паважаныя калегі і навучэнцы!

Прыміце шчырыя віншаванні з надыходзячымі святамі – Калядамі і Новым, 2024-м, годам!

У пераднавагоднія дні верыцца, што свет павінен стаць лепшым, дабрэйшым, што шчасце абавязкова прыйдзе ў кожны дом і ў кожную сям'ю. Упэўнены, у нашых сілах падарыць родным людзям цеплыню, разуменне і любоў.

Перад намі адкрываецца новая старонка жыцця, і мы пачынаем яе з выдатным настроем, добрымі пажаданнямі і светлымі пачуццямі. Захоўвайце іх у сваіх сэрцах увесь наступны год. І няхай ён прынясе цікавыя падзеі, парадуе кожнай гадзінай і кожнай хвілінай, дапаможа ў ажыццяўленні запаветнай мары, умацуе веру ў будучыню, адкрые новыя перспектывы.

У 2024 годзе хачу пажадаць фінансавай стабільнасці, карысных знаёмстваў, вялікіх магчымасцей і ўпэўненасці ва ўласных сілах, а галоўнае – моцнага здароўя, без якога ўсё не мае значэння.

Жадаю ўвайсці ў новы год з пазітыўнымі эмоцыямі. Няхай блізкія і сябры заўсёды будуць апорай. Міру і дабрабыту вам і вашым сем'ям.

Член-карэспандэнт Нацыянальнай акадэміі навук Беларусі,
доктар медыцынскіх навук, прафесар
Сяргей Рубніковіч