Валанцёрскаму руху пры кафедры біяарганічнай хіміі больш за дзесяць гадоў

Валанцёрскаму руху пры кафедры біяарганічнай хіміі больш за дзесяць гадоў. Спачатку ў валанцёрскі атрад “Алкаголь губіць мары” аб’ядналіся студэнты медыка-прафілактычнага факультэта. Яны падрыхтавалі цікавыя выступленні, прэзентацыі, ролікі, віктарыны і адправіліся ў школы і каледжы. Галоўная мэта валанцёраў – прапаганда здаровага ладу жыцця сярод школьнікаў і навучэнцаў сярэдніх спецыяльных навучальных устаноў. Зараз атрад аб’ядноўвае больш за 20 студэнтаў медыка-прафілактычнага, лячэбнага, педыятрычнага, фармацэўтычнага факультэтаў і ваенна-медыцынскага інстытута. Яны праводзяць асветніцка-інфармацыйную работу для прафілактыкі ўжывання алкаголю ў юнацкім асяроддзі. Старастай атрада з’яўляецца студэнтка групы 1213 Марыя Давыдава.
На злёце валанцёрскіх атрадаў БДМУ, на якім найбольш актыўных валанцёраў нашага ўніверсітэта і куратараў валанцёрскіх атрадаў рэктарат узнагародзіў граматамі, падзякамі і кветкамі, атрад “Алкаголь губіць мары” таксама быў адзначаны.
Запрашаем студэнтаў усіх факультэтаў далучыцца да нашага атрада.

Святлана Барысевіч, куратар валанцёрскага атрада, фота аўтара