Віншаванне рэктара Беларускага дзяржаўнага медыцынскага ўніверсітэта

Паважаныя выкладчыкі і навучэнцы!

Шчыра віншую вас з Днём ведаў! Штогод у першы дзень восені ў Беларусі адзначаецца свята тых, хто садзіцца за парты, каб спасцігаць розныя навукі, асвойваць выбраную прафесію. Студэнцкая пара – адзін з лепшых перыядаў, калі мы папаўняем уласны багаж ведаў, якія робяць нас разумнейшымі і мудрэйшымі, дапамагаюць зразумець ісціну і таямніцы светабудовы, вядуць да навуковых адкрыццяў.

1 верасня ў Год якасці пачынаецца новы навучальны год. Перакананы, што прафесарска-выкладчыцкі састаў і навучэнцы Беларускага дзяржаўнага медыцынскага ўніверсітэта настроены на дзелавы рытм вучэбных будняў.

Асобліва хачу звярнуцца да першакурснікаў. Паважаныя студэнты, для вас пачынаецца новы жыццёвы этап. Важным складнікам вашай будучай прафесійнай дзейнасці, акрамя грунтоўных ведаў, уменняў і навыкаў, з'яўляюцца чуласць і міласэрнасць, дабрыня і спагадлівасць, імкненне заўсёды прыйсці на дапамогу. У недалёкай будучыні менавіта вы будзеце стаяць на варце самага дарагога – здароўя і жыцця людзей. Спадзяюся, што вы свядома зрабілі свой выбар, таму вучыцца будзеце з задавальненнем!

Мы жывем у дынамічны час: развіваецца навука, удасканальваюцца методыкі, абнаўляецца змест адукацыйнага працэсу. Але нават самыя сучасныя інфармацыйныя тэхналогіі ніколі не заменяць жывых зносін з выкладчыкамі, якія вядуць студэнтаў да вяршыняў ведаў, фарміруюць іх як асоб. У Беларускім дзяржаўным медыцынскім універсітэце працуе адзін з лепшых прафесарска-выкладчыцкіх саставаў, які шануе ўсе ўрачэбныя традыцыі. Дзякую вам, калегі, за высокі прафесіяналізм, вернасць абавязку і прызванню.

Няхай новы навучальны год прынясе многа цікавых адкрыццяў і дасягненняў, і кожны яго дзень будзе запамінальным, плённым. Жадаю вам змястоўных заняткаў і выдатных адзнак, а яшчэ – моцнага здароўя і поспеху ва ўсім!

Сяргей Рубніковіч,
член-карэспандэнт Нацыянальнай акадэміі навук Беларусі,
доктар медыцынскіх навук, прафесар 

Фота мае ілюстрацыйны характар